Acair News

NAIDHEACHDAN ÙRA: AM FAOILLEACH 2012

13MH AM FAOILLEACH

Mios thrang a th’ air a bhith ann mu thrath dha Acair, ‘s sinn air a bhith ag obair air iomadh diofar leabhar. Nam measg tha FONN – THE CAMPBELLS OF GREEPE, MARAICHE NAN CUANTAN agus DÌLEAB CHOLBHASACH, a thèid am foillseachadh am bliadhna.

Cuideachd, tha sinn air faicinn toradh obair an uiridh mu thrath agus sinn air an leabhar as ùr againn, LATHA BHA SIUD, fhaighinn a-steach. Gheibh sibh an leabhar àlainn seo airson clann airson £4.99, air an làrach-lìn againn.

Tha sinn cuideachd an-dràsta ag obair air an làrach-lìn fhèin. Ma tha beachdan sam bith agaibh air dòighean sam b’ urrainn dhuinn a leasachadh, nach cuir sibh fios thugainn an seo air Facebook, air Twitter no air post-dealain air info@acairbooks.com.

NAIDHEACHDAN ÙRA: AN DÙBHLACHD 2011

23MH AN DÙBHLACHD

DEIREADH 2011

Uill, seo sinn aig deireadh bliadhna eile – agus abair bliadhna a th’ air a bhith ann! Bho NORA gu WEAVING SONGS agus bho COCO AGUS AN T-IASG CÀIRDEIL gu CEITIDH CEARC, tha sinne air a bhith gu math trang ann an 2011.

Tha bliadhna làn eile air ar beulaibh ann an 2012 - a’ tòiseachadh san Fhaoilleach nuair a thèid BRONTORÌONA agus LATHA BHA SIUD fhoillseachadh. Agus abair thusa gun e sin dìreach toiseach tòiseachaidh! Leis a sin, bho mhuinntir Acair, Nollaig Chridheil agus Bliadhna Mhath Ùr.

DEIREADH AR CÒ-FHARPAIS

Tha ar cò-fharpais Nollaige a-nis DEISEIL! Cumaibh ur sùilean air ar duilleagan Facebook "ACAIR STAFF" agus "ACAIR BOOKS", ar duilleag Twitter "acairbooks" agus air ar làrach-lìn sa Bhliadhn' Ùr, airson chò-fharpaisean eile.

19MH AN DÙBHLACHD

CÒ-FHARPAIS NOLLAIGE ACAIR

2MH AN DÙBHLACHD

PREASANT NOLLAIGE TRATH DHUIBH & CO-FHARPAIS

‘S dòcha gun do mhothaich sibh ar caraid ùr air prìomh duileag ar làrach-lìn?

Uill, leis a chuideachadh tha sinn a-nis a’ tabhann preasant Nollaige trath dhuibh. Cuiribh òrdugh thugainn ann an tìde airson àm na Nollaig agus pàghaidh sinne a' chosgais airson a chur thugaibh, ma tha sibh a' fuireach ann am Breatann. Agus dèan cinnteach gun inns’ sibh dhur caraidean ‘s càirdean cuideachd!

Cuideachd, tha cò-fharpais gu bhith aig Acair a dh’aithghearr. Dèan cinnteach gun cum sibh ur sùil air ar duilleag, air Facebook ‘s air Twitter thairis air na seachdainean a tha ri thighinn gus barrachd fhaighinn a-mach

LEABHRAICHEAN ÙRA

An uiridh, dh’fhoillsich ACAIR an leabhar TARMOD – cruinneachadh de bhàrdachd le Tarmod MacLeòid a Leòdhas. Chaidh seo a dhèanamh mar phàirt dhan t-sreath “Leugh Gàidhlig”, a thathas a’ foillseachadh le taic airgid bho Bòrd na Gàidhlig agus Comhairle nan Leabharaichean.

An-dràsta, tha sinn ag obair air dà leabhar eile, a thèid am foillseachadh mar phàirt dhan aon sreath. ‘S iad MARAICHE NAN CUANTAN le Flòraidh NicPhàil agus DÌLEAB CHOLBHASACH le Barbara Satchel. Seo beagan fiosrachaidh, nach fhaighear an àite sam bith eile ach air làrach-lìn ACAIR, mun dà leabhar:

MARAICHE NAN CUANTAN

“Ged nach eil ann an Tiriodh ach eilean beag, bha e a riamh ainmeil airson a chuid bhàrd. Thairis air iomadh linn tha a dhaoine air mòran a chur ri litreachas na Gàidhlig”. Facail iomchaidh à ro-radh a’ chruinneachaidh seo, de bhàrdachd le Flòraidh NicPhàil. Se Flòraidh a sgrìobh an t-òrain Maraiche nan Cuantan, a tha nis cho ainmeil nar cultar. Ach ‘s iomadh dàn eile a sgrìobh Flòraidh cuideachd agus san cruinneachadh ùr seo, gheibhear cothrom blàs fhaighinn dhan obair aice. Bidh Flòraidh a’ togail air iomadh difir chuspair, bho cèilidh luchd-teagaisg Fèis Thiriodh ann an 1990 gu a cuimhne air an latha a thàinig saighdear dhan sgoil, gu turas na Bana-phrionnsa Anna chun eilean. An luib nan dàn tha dealbhan peant a chaidh an dèanamh le piuthar Fhlòraidh, agus dealbhan camara. Agus tha gach dàn air eadar theangachadh leis a bhàrd.

Dealbh de Fhlòraidh

:

DÌLEAB CHOLBHASACH

Thairis iomadh bliadhna bha an iris Gairm a’ foillseachadh criomagan de dh’obair le Gàidheil bho air feadh an t-saoghail. Nam measg bha Barbara Satchel à Colbhasa a dheasaich aistean dhan iris mu dheidhinn eilean Cholbhasa far na rugadh s na thogadh I, agus cunntasan eile mu diofar amanan na beatha. Tha iad uile air an libhrigeadh ann an dual chàinnt bheartach Cholbhasach. ‘S e Morag Law, nighean Barbara, a chruinninch agus a dheasaich feadhainn dha na h-aistean sin gus an leabhar luachmhor a tha seo a thoirt gu buil.

Dealbh de Barabra:

1mh DÙBHLACHD

AN TEADAIDH GÀIDHLIG

Tha sinn air tòrr chèistean fhaighinn mu dheidhinn cuin a bhios an Teadaidh Gàidhlig ri fhaighinn. Gu mì-fhortanach, tha e a-nis a’ coimhead coltach nach bi an Teadaidh Gàidhlig againn chun t-Ògmhios 2012. Tha seo ri linn dàil as an dèanamh ann a Sinai.

Ach, ma tha sibh airson fios fhaighinn nuair a bhios e deiseil, cuir ur seòladh post-d gu info@acairbooks.com agus bheir sinn dhuibh naidheachd mu dheidhinn cho luath ‘s gheibh sinn e.

NAIDHEACHDAN ÙRA: AN T-SAMHAIN 2011 

WEAVING SONGS – AIR A SHNÌOMH, AIR FHÌGHE ‘S AIR FHOILLSEACHADH ANNS NA H-EILEANAN SIAR

Bha deagh oidhche aig a h-uile duine aig Leabharlann Steòrnabhaigh air 18mh an t-Samhain, far an deach WEAVING SONGS a chuir air bhog.

Thogadh Dòmhnall ann an Dail bho Dheas an Leòdhas, aig àm far an robh fuaim a’ bheart fhathast ri chluinntinn air feadh an àite. Coltach ri obair a’ chlò a bhrosnaich Dòmhnall gus na dàin seo a’ sgrìobhadh, tha a bhriathran fhèin beòthail agus sgileil. Le deilbh camara sgoinneil bho Carol Ann Peacock, ‘s e cruinneachadh air leth àlainn a tha seo, ‘s dhèanadh e deagh phreàsant airson àm na Nollaig!

Ma tha sibh airson dèanamh cinnteach gum faigh sibh leth-bhreac (no dhà!) , clioc an seo gus òrdugh a dhèanamh!

Clioc gu h-ìosal gus Domhnall S. Moireach fhaicinn a' leughadh bho "Weaving Songs" aig an tachartas

A’ CHIAD TORADH A PRÒISEACT CÒ-FHOILLSEACHAIDH EADAR ACAIR AGUS FUTA FATA

Tha Acair air trì leabharaichean chloinne fhoillseachadh; CEITIDH CEARC, COCO AN T-IASG CÀIRDEIL and LACHAIDH AGUS AN OIDHCHE IARGALTA. Tha sinn air a bhith ag obair còmhla ri Futa Fata, a tha a’ foillseachadh leabharaichean ann an Gàidhlig na h-Eireann, airson na leabharaichean seo a thoirt gu bi.

Tha gach leabhar uabhasach breagha, le dathan soillear ‘s dealbhan tarraingeach agus tionndaidhean air na sgeulachdan le Johann Nic a Ghobhainn. Tha sinn a’ coimhead air adhart gus barrachd a dhèanamh le Futa Fata

SOIRBHEACHAS AIG SEACHDAIN A’ MHÒID

Bha seachdain air leth sonraichte aig Acair aig Mòd na bliadhna sa – a chaidh a chur air adhart ann an Steòrnabhagh, Eilean Leòdhais. Bha sinn a’ taisbeanadh ar leabharaichean aig Taisbeanadh na Gàidhlig ann an Sgoil MhicNeacail, ‘s fhuair sinn cothrom coinneachadh ri tòrr dhaoine ann. Ma tha thèid sibh gu làrach Facebook Acair – “Acair Staff” - ‘s urrainn dhuibh dealbhan bhon t-seachdain fhaicinn.

Cuideachd, bha sinn uabhasach toilichte cluinntinn gun do bhuannaich an leabhar AN TRACTAR AGUS AN LIOBHT le Catriona Black, duais airson an leabhar chloinne as fheàrr a chaidh fhoillseachadh am bliadhna ‘s aig An Latha Litreachais.  Dh’fhoillsich AcairAN TRACTAR AGUS AN LIOBHT ann an 2010. ‘S math a rinn thu Catriona!