-
Mu
Tha Acair 30 bliadhna a dh’aois. Tha iad a’ foillseachadh iomadh seòrsa leabhair, a’ mhòrchuid ann an Gàidhlig a-mhàin, feadhainn ann am Beurla a-mhàin, ach co-cheangailte ri cuspairean Gàidhlig no Gàidhealach, agus feadhainn eile san dà chànan.
Chan eil ach beagan is dà bhliadhna bho dh’fhoillsich sinn leabhair ann an trì cànain – Gàidhlig, Beurla is Albais agus tha dùil again fear fhoillseachadh aig deireadh na bliadhna seo fhèin ann an Gàidhlig is Albais a-mhàin.
Tha a’ Ghàidhlig aig buill a’ Bhùird gu lèir agus cuideachd aig an luchd-obrach air fad.
Bithear a’ cumail ceithir choinneamhan Bùird sa bhliadhna air a’ char as lugha. Tha na coinneamhan gan cumail sa Ghàidhlig.
Tha ballrachd Bòrd-stiùiridh Acair mar a leanas:
Dòmhnall Màrtainn (Cathraiche)
Anna Mhoireasdan
Anna NicSuain
Seumas Mac an t-Sagairt
Alex Dhòmhnallach
Norma NicLeòid
Agus an luchd-obrach:
Norma NicLeòid (Manaidsear agus Deasaiche pàirt-ùine)
Mairead Anna NicLeòid (Dealbhachadh agus Dèanamh làn-ùine)
Mairead Mhàrtainn (Neach-rianachd làn-ùine)
Donalda Riddell (Margaidheachd & Cunntas-stoc pàirt-ùine)